Mkurugenzi wa idara ya Tiba Dkt. Omari Ubuguyu akifungua mafunzo kwa Waratibu wa tiba Asili/Mbadala wa ngazi ya Halmashauri wa Mikoa minne ambayo ni Dodoma, Morogoro, Singida na Tabora yatakayo fanyika kwa siku mbili mkoani Dodoma.
Afisa kutoka Ofisi ya msajili wa tiba Asili/Mbadala Bi. Eleonorah Erio akitoa mafunzo kwa Waratibu wa tiba Asili/Mbadala wa Halmashauri za Mikoa ya Morogoro, Singida, Tabora walipokutana jijini Dodoma.
**********************
Na. WAF – DODOMA 
Waratibu wa tiba Asili/Mbadala wa Halmashauri wametakiwa kuwaelimisha waganga wa tiba Asili/Mbadala juu ya sheria, miiko na maadili pamoja na usafi wakati wa utoaji wa huduma.
Hayo yamesemwa leo machi 10, 2022 na Mkurugenzi wa tiba Dkt. Omari Ubuguyu wakati wa ufunguzi wa mafunzo ya siku mbili kwa Waratibu wa tiba Asili/Mbadala jijini Dodoma. 
Matumizi ya huduma za tiba Asili/Mbadala yameongezeka na zaidi ya asilimia 60 wanatumia huduma za tiba asili kabla ya kwenda kwenye huduma za kisasa.
Dkt. Ubuguyu ameendelea kutoa wito kwa Waratibu hao kuendelea kuratibu huduma hizo katika Halmashauri zao ikiwa ni pamoja na kukemea vitendo viovu ambavyo ni kinyume na Sheria ya tiba Asili/Mbadala Na. 23 ya mwaka 2002 ikiwa ni pamoja na kupiga ramli chonganishi.
“Kwa pamoja tuliona muitikio wa jamii juu ya matumizi ya dawa za tiba asili katika kupambana dhidi ya ugonjwa wa UVIKO-19, huu ni uthibitisho tosha kuwa huduma hizi zinakubalika na kuaminika na jamii”. Amesema Dkt. Ubuguyu
Amewakumbusha kuwa jukumu la waratibu ni kuhakikisha jamii inapokea huduma salama ambayo haihatarishi Afya ya jamii na hayo yote yatawezekana kama watasimamia shughuli za tiba Asili/Mbadala kwa weledi na nidhamu.
Kwa upande wake Mratibu wa tiba Asili/Mbadala kutoka Morogoro Bi. Elizabeth Kibela  ameshukuru wizara ya Afya kupitia Tiba Asili/Mbadala kwa kuanzisha mafunzo hayo.
“Mafunzo haya yataenda kutujengea uwezo mzuri kwa kwenda kuwafundisha wanganga na kuwakumbusha juu ya kufuata sheria, miiko na maadili ya tiba asili”. Amesema Bw. Kibela
Mafunzo hayo kwa waratibu wa tiba Asili/Mbadala yakayo fanyika kwa siku mbili yamehusisha Mikoa minne ambayo ni pamoja na Dodoma, Morogoro, Singida na Tabora.
Previous articleTIMU ZA ATLÉTICO DE MADRID, GETAFE FC NA REAL VALLADOLID ZIKO TAYARI KUUTANGAZA UTALII WA TANZANIA
Next articleMWANAFUNZI DARASA LA SITA AJERUHIWA NA FISI AKIENDA SHULENI

LEAVE A REPLY

Please enter your comment!
Please enter your name here