Naibu Katibu Mkuu Wizara ya Nishati, Kheri Mahimbali (wa kwanza kushoto), akitoa maelekezo kwa Watedaji wa Wizara hiyo na Shirika la Maendeleo ya Petroli Tanzania (TPDC), alipowasili katika eneo litakalojengwa mradi wa kusindika gesi asilia (LNG), Likong’o Mkoani Lindi 

Naibu Katibu Mkuu Wizara ya Nishati, Kheri Mahimbali (kulia) akionyeshwa mchoro wa ramani ya eneo litakalojengwa mradi wa kusindika gesi asilia (LNG), na Mjiolojia mwandamizi wa Shirika la Maendeleo ya Petroli Tanzania (TPDC), Simon Zabron, wakati wa ziara ya kukagua eneo hilo lililopo Likong’o Mkoani Lindi, 

Kamishna msaidizi wa Mafuta na Gesi wa Nishati nchini, Mhandisi Mohammed Fakih akifafanua jambo kwa Naibu Katibu Mkuu Wizara ya Nishati, Kheri Mahimbali (wa pili kulia), wakati wa ziara ya kukagua eneo hilo lililopo Likong’o Mkoani Lindi, 

Naibu Katibu Mkuu Wizara ya Nishati, Kheri Mahimbali, akikagua sehemu ya mabomba ya gesi asilia katika kituo cha makutano ya kuunganisha gesi hiyo inayotoka Mtwara na Songosongo Mkoani Lindi, mara baada ya kutembelea kituo hicho kilichopo katika Kijiji cha Somangafungu Mkoani Lindi  Aprili, 02, 2022.

Muonekano wa sasa wa eneo litakalojengwa mradi wa kusindika gesi asilia (LNG) lililopo Likong’o Mkoani Lindi, Aprili,

……………………………………….

Na Zuena Msuya, Lindi

Naibu Katibu Mkuu Wizara ya Nishati, Kheri Mahimbali ametembelea na kukagua eneo la Likong’o litakalojengwa Mradi wa kusindika Gesi Asilia (LNG) na eneo la makutano ya kuunganisha gesi inayotoka mkoani Mtwara na Songosongo mkoani Lindi.

Akiwa katika ziara hiyo amewaasa watendaji wa maeneo hayo kutekeleza majukumu yao kwa weledi kwa kuzingatia manufaa ya wananchi na taifa kwa ujumla.

Katika ziara hiyo ya kikazi, Mahimbali aliambatana na Mkuu wa Wilaya ya Lindi, Shaibu Ndemanga, Kamishna Msaidizi wa Mafuta na Gesi kutoka Wizara ya Nishati, Mhandisi Mohamed Fakih, na Meneja wa Kiwanda cha kuchata gesi asilia cha Madimba, Mhandisi Sultan Pwaga, pamoja na maafisa wengine kutoka wizarani na Shirika la Maendeleo ya Petroli Tanzania (TPDC). Ziara hiyo imefanyika Aprili 2, 2022 mkoani Lindi.

Ziara hiyo ni muendelezo wa ziara yake aliyoianza Machi 31, 2022 kwa kukagua mradi wa gesi wa Songosongo mkoani Lindi, kisha Aprili 1, 2022 alikagua kiwanda cha kuchakata gesi asilia cha Madimba, visima vya gesi katika eneo la Mnazi Bay pamoja mradi wa usambazaji wa miundombinu ya gesi asilia kwa matumizi ya kupikia majumbani.

Previous articleWAZIRI MABULA ATOA TAHADHARI KWA WANAOVAMIA MAENEO
Next articleWADAU ZAIDI YA 400 KUSHIRIKI KONGAMANO LA KISAYANSI LA MAJI JIJINI DAR ES SALAAM

LEAVE A REPLY

Please enter your comment!
Please enter your name here