Waziri wa Nchi Ofisi ya Makamu wa Rais (Muungano na Mazingira) Mhe. Mhandisi Yusuf Masauni akifungua Mkutano wa Kwanza wa Kamati Tendaji ya Mkataba wa Nairobi kuhusu Mabadiliko ya Tabianchi Baada ya Mkutano Mkuu wa 11 wa nchi Wanachama uliofanyika jijini Dar es Salaam leo Januari 30, 2025.
Mkuu wa Mkataba wa Nairobi kuhusu Hifadhi ya Mazingira Dkt. Jared Bosire akizungumza wakati Mkutano wa Kwanza wa Kamati Tendaji ya Mkataba wa Nairobi kuhusu Mabadiliko ya Tabianchi Baada ya Mkutano Mkuu wa 11 wa nchi Wanachama uliofanyika jijini Dar es Salaam leo Januari 30, 2025.
Waziri wa Nchi Ofisi ya Makamu wa Rais (Muungano na Mazingira) Mhe. Mhandisi Yusuf Masauni (katikati) akishiriki Mkutano wa Kwanza wa Kamati Tendaji ya Mkataba wa Nairobi kuhusu Mabadiliko ya Tabianchi Baada ya Mkutano Mkuu wa 11 wa nchi Wanachama uliofanyika jijini Dar es Salaam leo Januari 30, 2025. Kulia ni Mkurugenzi wa Mazingira Ofisi ya Makamu wa Kwanza wa Rais Bi. Farhat Ali Mbarouk na Afisa Kiungo wa Mkataba wa Nairobi kutoka Ofisi ya Makamu wa Rais Bw. Wankyo Mkono.
Afisa Kiungo wa Mkataba wa Nairobi kutoka Ofisi ya Makamu wa Rais Bw. Wankyo Mkono akizungumza wakati wa Mkutano wa Nchi Wanachama wa Mkataba wa Nairobi kuhusu Hifadhi ya Mazingira Januari 30, 2025 jijini Dar es Salaam.
Waziri wa Nchi Ofisi ya Makamu wa Rais (Muungano na Mazingira) Mhe. Mhandisi Yusuf Masauni amesema Serikali ya Tanzania imechukua hatua za kuimarisha maeneo ya bahari yaliyohifadhiwa.
Amesema hatua hizo zimesaidia kukuza usimamizi endelevu wa uvuvi na kuongeza uwezo wa kuzuia uchafuzi wa baharini na kukabiliana na hatari za mabadiliko ya tabianchi.
Mhandisi Masauni amesema hayo wakati akifungua Mkutano wa Kwanza wa Kamati Tendaji ya Mkataba wa Nairobi kuhusu Mabadiliko ya Tabianchi Baada ya Mkutano Mkuu wa 11 wa nchi Wanachama uliofanyika jijini Dar es Salaam leo Januari 31, 2025.
Ameeleza kuwa eneo la Bahari ya Hindi Ukanda wa Magharibi lina mifumo mbalimbali ya ikolojia ya pwani na baharini ambayo inasaidia uchumi wa ndani na kitaifa hivyo ni muhimu kuwa na usimamizi endelevu wa mazingira yake.
Mhe. Masauni ametaja ukanda huo kuweza kutoa huduma muhimu za mfumo ikolojia ikiwemo ni makazi kwa bioanuwai ya baharini na inachukuliwa kuwa moja ya mifumo ikolojia yenye thamani zaidi ulimwenguni ambayo ina manufaa makubwa kwa jamii za pwani.
Ameshukuru na kupongeza Mpango wa Umoja wa Mataifa wa Mazingira kupitia Sekretarieti ya Mikutano ya Nairobi kwa kusimamia ajenda ya mazingira kupitia ufadhili wa miradi ya yenye lengo la kuboresha maisha ya jamii za wavuvi katika Wilaya ya Mkinga mkoani Tanga, Tanzania.
Halikadhalika, ametoa shukrani kwa Umoja wa Mataifa kwa kuipatia Serikali takriban dola 70,000 kwa ajili ya kukamilisha Mradi wa Upanuzi wa Kituo cha Kutibu Majitaka cha Msingini, Chake Chake, Pemba.
Ameongeza kuwa eneo la pwani ya Tanzania lina rasilimali nyingi za baharini ambazo ni pamoja na fukwe za mchanga, miamba, mito mikubwa ya mito, misitu ya mikoko, nyasi pana za bahari, miamba ya matumbawe na tambarare zenye matope.
Sanjari na hilo, Mhe. Masauni amesema kuwa mazingira ya bahari ya Tanzania yanasaidia aina mbalimbali za samaki, papa na miale, kasa, matumbawe, nyasi za baharini na mikoko ambayo inasaidia katika utunzaji wa mazingira.
“Pamoja na faida hiyo kubwa, kama nchi wanachama tunapaswa kutambua changamoto zinazokabili mazingira ya bahari na pwani zikiwemo mabadiliko ya tabianchi, uvuvi usio endelevu, uchafuzi wa mazingira na upotevu wa viumbe hai, jambo ambalo linatishia afya na ustahimilivu wa mifumo ya ikolojia,” amesema.
Itakumbukwa, Tanzania ilichaguliwa kuwa Mwenyekiti wa Mwenyekiti wa Mkataba wa Nairobi kuhusu utunzaji wa mazingira wakati wa Mkutano wa COP 11 uliyofanyika Madagascar Agosti, 2024.
