MWENYEKITI wa kamati ya Bunge ya Viwanda, Biashara, Kilimo ,Mifugo na Uvuvi,Mhe.Deo Mwanyika akieleza jambo wakati wa  semina ya kamati hiyo ya kuwajengea uelewa wabunge kuhusu utendaji kazi wa Tume ya Ushindani (FCC) iliyofanyika leo Februari 11,2024 bungeni jijini Dodoma.

NAIBU  Waziri wa Viwanda na Biashara,Mhe Exaudi Kigahe, akichangia jambo wakati wa  semina ya kamati  ya Bunge ya Viwanda, Biashara, Kilimo ,Mifugo na Uvuvi ya kuwajengea uelewa wabunge kuhusu utendaji kazi  wa Tume ya Ushindani (FCC) iliyofanyika leo Februari 11,2024 bungeni jijini Dodoma.

MKURUGENZI Mkuu wa Tume ya Ushindani (FCC) BW.William Erio ,akiwasilisha mada kwa kamati  ya Bunge ya Viwanda, Biashara, Kilimo ,Mifugo na Uvuvi wakati wa Semina ya kuwajengea uelewa wabunge kuhusu utendaji kazi wa Tume ya Ushindani (FCC) iliyofanyika leo Februari 11,2024 bungeni jijini Dodoma.

WAJUMBE wa Kamati  ya Bunge ya Viwanda, Biashara, Kilimo ,Mifugo na Uvuvi ikifatilia  Semina iliyotolewa kwa kamati hiyo ya kuwajengea uelewa wabunge kuhusu utendaji kazi wa Tume ya Ushindani (FCC) iliyofanyika leo Februari 11,2024 bungeni jijini Dodoma.

MJUMBE  wa Kamati  ya Bunge ya Viwanda, Biashara, Kilimo ,Mifugo na Uvuvi Prof.Sospeter  Muhongo,akitoa maoni kuhusu utendaji kazi wa Tume ya Ushindani (FCC) wakati wa Semina ya wabunge iliyotolewa kwa Kamati hiyo na FCC iliyofanyika leo Februari 11,2024 bungeni jijini Dodoma.

MJUMBE  wa Kamati  ya Bunge ya Viwanda, Biashara, Kilimo ,Mifugo na Uvuvi Dkt.Medard  Kalemani ,akitoa maoni kuhusu utendaji kazi wa Tume ya Ushindani (FCC) wakati wa Semina ya wabunge iliyotolewa kwa Kamati hiyo na FCC iliyofanyika leo Februari 11,2024 bungeni jijini Dodoma.

MKURUGENZI Mkuu wa Tume ya Ushindani (FCC) BW.William Erio,akizungumza na Waandishi wa habari mara baada ya kutoa Semina kwa  kamati  ya Bunge ya Viwanda, Biashara, Kilimo ,Mifugo na Uvuvi ya kuwajengea uelewa wabunge kuhusu utendaji kazi wa Tume ya Ushindani (FCC) iliyofanyika leo Februari 11,2024 bungeni jijini Dodoma.

Na.Bolgas Odilo-DODOMA

KAMATI ya Bunge ya Viwanda, Biashara, Kilimo ,Mifugo na Uvuvi imeridhishwa na utendaji kazi wa Tume ya Ushindani (FCC) ili kufikia azma ya Rais Samia Suluhu Hassan ya kuweka mazingira mazuri ya biashara nchini.

Pongezi hizo zimetolewa leo Februari 11,2024 na Mwenyekiti wa kamati hiyo, Mhe.Deo Mwanyika mara  baada ya kupokea wasilisho la utendaji kazi wa FCC bungeni jijini Dodoma.

Amesema kuwa Kamati inatoa pongezi kwa Tume ya Ushindani (FCC) kwa kuendelea kudhibiti bidhaa bandia nchini.

“Kamati tunapongeza hatua zinazochukuliwa na Tume hiyo katika kudhibiti bidhaa bandia kwa kushirikiana na taasisi zingine na kuwaasa watanzania kuendelea kutoa ushirikiano ili kuondoa bidhaa hizo.”amesema Mhe.Mwanyika

Hata hivyo Mhe.Mwanyika amesema kuwa  kamati hiyo itaendelea kutoa ushauri kwa serikali ili kufikia maono ya Rais ya kuchochea uchumi na kuongeza wawekezaji nchini.

“Tunashauri sheria ile iliyounda Tume hii ifanyiwe maboresho kutokana na maeneo mengi teknolojia imebadilika na idadi ya wawekezaji wa ndani na nje imeongezeka tangu Rais Samia ameingia madarakani,”amesema

Naye, Naibu Waziri wa Viwanda na Biashara, Exaudi Kigahe, amesema Tume hiyo inapanga kusaidia kudhibiti biashara feki kwa kuwa bado kuna changamoto kubwa inahitajika kufanya kazi ya ziada.

Awali, Mkurugenzi Mkuu wa FCC, Bw.William Erio,amesema kuwa wamekutana na Kamati hiyo kuwaeleza majukumu ya tume pamoja na kuwapa mawasilisho yanayuhusu utendaji kazi wa Tume hiyo.

Bw.Erio amesem kuwa  Tume imepewa jukumu la kudhibiti uingizaji wa bidhaa bandia, kuzuia uzalishaji wake, kusambazwa au kupitishwa nchini kwenda nchi jirani.

“Tunashirikiana na Brela zile bidhaa zilizosajiliwa mtu asiende kutengeneza zikaonekana kama bidhaa halisi kumbe sio, tumeanza kutoa elimu watu waelewe madhara ya bidhaa bandia kwa kuwa zinaikosesha serikali kodi, zinafanya wafanyabishara halali kufunga biashara zao kwa kushindwa kushindana na bidhaa bandia,”amesema Bw.Erio

Aidha amesema wameiambia kamati hiyo maeneo yenye mlengo wa kisheria yanayopaswa kuboreshwa ili kuongeza ufanisi kwenye utendaji kazi, tumewasilisha serikalini na mchakato umepita ngazi zote za serikali sasa unakwenda ngazi ya bunge ili kubadilisha sheria ya ushindani ambayo ilitungwa mwaka 2003.

Previous articleKAMATI YA BUNGE YAIPONGEZA BRELA KWA UTENDAJI KAZI WAKE
Next articlePATA HABARI MOTO MOTO KATIKA MAGAZETI YA LEO FEBRUARI 12,2024

LEAVE A REPLY

Please enter your comment!
Please enter your name here