THPS NA U.S. CDC ZAKABIDHI SAMANI ZA HOSPITALI MBALIMBALI KWA MKOA WA SHINYANGA

Shirika la Tanzania Health Promotion Support (THPS), kupitia Mradi wa Afya Hatua unaofadhiliwa na Mpango wa Dharura wa Rais wa Marekani wa Kukabiliana na UKIMWI, kupitia Kituo cha Kudhibiti na Kuzuia Magonjwa cha Marekani (U.S. CDC), leo wamekabidhi samani mbalimbali za hospitali ili kuwezesha ufanisi katika utoaji wa huduma kamili za kinga, matunzo na matibabu ya VVU mkoani Shinyanga.

Samani hizo ni pamoja na viti 90 vya mbao, viti 86 vya ofisi, meza 72 za ofisi, kabati za mbao 75, kabati 30 za chuma za kuhifadhia dawa na madawati 26 vyenye thamani ya TSh 295,326,860.00 (US$ 112,160).

Samani hizo zitasambazwa katika Halmashauri za Shinyanga, Kishapu, Halmashauri ya Wilaya ya Kahama, Msalala DC na Ushetu.

Hafla ya makabidhiano hayo imefanyika leo Juni 19, 2024 katika Hospitali ya Manispaa ya Shinyanga na kuongozwa na Mhe. Anamringi Macha, Mkuu wa Mkoa wa Shinyanga.

“Kwa niaba ya serikali, napenda kutoa shukurani zangu za dhati kwa Watu wa Marekani kwa msaada mkubwa wa kudhibiti janga la UKIMWI na kuokoa maisha ambayo tunaendelea kupokea kupitia Kituo cha Kudhibiti na Kuzuia Magonjwa cha MarekaniCDC na THPS”, amesema Mhe. Macha.

“Napenda kuwahakikishia CDC na THPS kuwa Serikali ya Jamhuri ya Muungano wa Tanzania itaendelea kuwapa ushirikiano unaohitajika katika kutekeleza programu hizi za kuokoa maisha”, amesema.

THPS imetambua athari za kutoa samani ili kuwawekea wafanyakazi wa afya mazingira mazuri ya kufanyia kazi na baadhi ya samani zitatumiwa na wateja wanaotembelea vituo vya afya.

Akizungumza katika hafla ya makabidhiano hayo kwa niaba ya Mkurugenzi Mtendaji wa THPS, Meneja Programu wa THPS Mkoa wa Shinyanga, Dkt. Amos Scott amesema THPS imejipanga kuendelea kukamilisha juhudi za serikali katika kuhakikisha kuwa Watanzania wote wanapata huduma bora za afya na kuchangia kikamilifu. maendeleo ya kijamii na kiuchumi ya nchi.

“Tunaamini kwamba msaada tuliotoa utasaidia sana katika kuboresha ufanisi na kuhakikisha ubora wa utoaji huduma kwa ajili ya huduma za kinga, matunzo na tiba za VVU mkoani Shinyanga kwa kuwa sote tunalenga kufikia udhibiti wa janga la UKIMWI ifikapo mwaka 2030”, amesema Dkt. Scott.

Mkuu wa Mkoa wa Shinyanga Mhe. Anamringi Macha akikata utepe wakati akipokea vifaa vilivyotolewa na Shirika la THPS kupitia Mradi wa Afya Hatua unaofadhiliwa na PEPFAR kupitia U.S. CDC) ili kuwezesha ufanisi katika utoaji wa huduma kamili za kinga, matunzo na matibabu ya VVU Mkoani Shinyanga. Picha na Malunde 1 blog

Mkuu wa Mkoa wa Shinyanga Mhe. Anamringi Macha akizungumza wakati Shirika la THPS kupitia Mradi wa Afya Hatua unaofadhiliwa na PEPFAR kupitia U.S. CDC) likikabidhi samani mbalimbali za hospitali Mkoani Shinyanga ili kuwezesha ufanisi katika utoaji wa huduma kamili za kinga, matunzo na matibabu ya VVU.

Meneja Programu wa THPS Mkoa wa Shinyanga, Dkt. Amos Scott akizungumza wakati Shirika hilo la THPS kupitia Mradi wa Afya Hatua unaofadhiliwa na PEPFAR kupitia U.S. CDC) likikabidhi samani mbalimbali za hospitali Mkoani Shinyanga ili kuwezesha ufanisi katika utoaji wa huduma kamili za kinga, matunzo na matibabu ya VVU.

Meneja Programu wa THPS Mkoa wa Shinyanga, Dk Amos Scott akizungumza wakati Shirika hilo la THPS kupitia Mradi wa Afya Hatua unaofadhiliwa na PEPFAR kupitia U.S. CDC) likikabidhi samani mbalimbali za hospitali Mkoani Shinyanga ili kuwezesha ufanisi katika utoaji wa huduma kamili za kinga, matunzo na matibabu ya VVU.