MKURUGENZI Mtendaji wa Taasisi ya kusaidia watu wenye ulemavu ya mkoani Dodoma ya Foundation For Disabilities Hope, Maiko Salali amelipongeza Shirika la Umoja wa Mataifa la Mazingira UNEP kwa jitiada zake za kupaisha agenda ya ulinzi wa mazingira kwa watu wenye Ulbino nchini.
Salali, alisema kupitia ushirikano wa shirika hilo la UNEP na FDH wameweza kusukuma Mpango kazi wa kitaifa wa haki na ustawi watu wenye ulbino ambapo serikali ilisikiliza na kufanyia kazi maombi hayo na hatimaye mpango huo kuzinduliwa Disemba 03, 2024 katika siku ya kimataifa ya watu wenye ulemavu duniani.
“Kwa hapa Tanzania tuliazimisha katika ukumbi wa Dimond Jubilee Dar es salaam, FDH inaishukuru sana UNEP kwa jitiada hizi ambazo zimewezesha watu wenye ulbino nchini kupata mpango na nimatumaini yetu kuwa tunaendelea kushirikiana ili kuendelea kuhakikisha agenda ya mazingira na ulinzi wa mazingira kwa watu wenye ulemavu unakuwa kipaumbele muhimu katika utekelezaji wa mpango huu”alisema Salali
Aidha, alisema wanamshukuru Mkuu wa ofisi ya UNEP Clara Makeya kwa ushirikano kwa watu wenye ulemavu kupitia taasisi ya FDH na taasisi zingine za watu wenye ulemavu ambao amekuwa akitoa.
“Ni imani yetu kuwa tunaendelea kutetea na kuhamasisha jamii kulinda mazingira ili watu wenye ulbino waendelee kufuraiya Dunia salama inayowakumbatia wote bila vikwazo vya kimazingira”alisisitiza Salali
