MAMLKA YA ELIMU TANZANIA YAZIDI KUIMARISHA USHIRIKIANO NA WADAU WA SEKTA YA ELIMU

::::::::

Mamlaka ya Elimu Tanzania (TEA) imeendelea kuimarisha ushirikiano na wadau mbalimbali wa sekta ya elimu katika jitihada za kuboresha miundombinu ya kujifunzia na kufundishia, ili kuhakikisha kila mtoto wa Kitanzania anapata elimu bora kwa usawa katika mazingira salama na rafiki kwa kujifunzia. 

Ushirikiano huo umeendelea kuzaa matunda kupitia miradi 48 ya ujenzi, ukarabati na umaliziaji wa miundombinu ya elimu inayotekelezwa na TEA kwa kushirikiana na Shirika la Kuhudumia Watoto Duniani (UNICEF), kwa ufadhili wa Serikali ya Canada katika mikoa ya Tabora, Kigoma na Songwe.

Akizungumza wakati wa ziara ya kukagua miradi hiyo na kuweka vibao vya ufadhili, Afisa Miradi kutoka TEA, Bi. Atugonza David, alisema amefarijika kuona miradi yote ikiwa katika hatua nzuri na tayari kwa matumizi. Alibainisha kuwa asilimia kubwa ya miradi hiyo imejikita katika umaliziaji na ukarabati wa maabara za sayansi, ikiwa ni sehemu ya mkakati wa Serikali wa kuongeza hamasa ya wanafunzi kupenda na kujifunza masomo ya sayansi. 

Moja ya shule zilizonufaika na miradi hiyo ni Shule ya Sekondari Nyakitonto iliyopo katika Halmashauri ya Wilaya ya Kasulu mkoani Kigoma, ambayo ilipokea takribani shilingi milioni 60 kwa ajili ya ukarabati wa maabara tatu za sayansi. 

Akizungumza kwa niaba ya shule, Mwalimu Maisha Masabile, Makamu Mkuu wa shule hiyo, alisema mradi huo umeleta mabadiliko makubwa katika ufaulu wa wanafunzi. 

“Awali hatukuwa na maabara hata moja, tulikuwa tukifanyia mazoezi ya sayansi darasani. Kupitia mradi huu, tumeweza kukarabati vyumba vitatu vya maabara na matokeo yake yamekuwa chanya. Mwaka 2024 ufaulu ulikuwa asilimia 100, huku wanafunzi 43 kati ya 150 wakisajiliwa kusoma masomo ya sayansi. Mwaka huu 2025, idadi imeongezeka hadi wanafunzi 68 kati ya 210, na wanaendelea kufanya vizuri,” alisema Mwalimu Masabile. 

Mamlaka ya Elimu Tanzania (TEA), kwa kushirikiana na UNICEF inaendelea kutekeleza miradi yenye thamani ya takribani shilingi bilioni 2.5 katika mikoa ya Tabora, Kigoma na Songwe. Miradi hiyo inalenga kuinua ubora wa elimu, kupanua wigo wa fursa za kujifunza, na kuhakikisha kila mtoto wa Kitanzania anapata elimu bora bila ubaguzi.

Baadhi ya wanafunzi wa Shule ya Sekondari Nyakitonto iliyopo Wilayani Kasulu wakisoma kwa vitendo somo la Fizikia katika maabara iliyokarabatiwa na UNICEF, kwa ufadhili wa Serikali ya Canada na kusimamiwa na TEA.

 

Baadhi ya wanafunzi wa Shule ya Sekondari Nyakitonto iliyopo Wilayani Kasulu wakifanya mazoezi ya somo la Fizikia kwa vitendo kwenye maabara iliyokarabatiwa na UNICEF, kwa ufadhili wa Serikali ya Canada na kusimamiwa na TEA.

Wanafunzi wa Shule ya Sekondari Nyakitonto iliyopo Wilayani Kasulu wakifanya mazoezi ya somo la Fizikia kwa vitendo kwenye maabara iliyokarabatiwa na UNICEF, kwa ufadhili wa Serikali ya Canada na kusimamiwa na TEA

Muonekano wa maabara iliyofanyiwa ukarabati na UNICEF, kwa ufadhili wa Serikali ya Canada na kusimamiwa na TEA Shule ya Sekondari Nyakitonto iliyopo Wilayani Kasulu.

Bi Atugonza David Afisa Miradi kutoka TEA akiwa na Mwl.Maisha Masabile Makamu Mkuu wa shule ya Nyakitonto alipokuwa akikagua hali ya ukarabati wa maabara tatu za Sayansi shuleni hapo.

Mwl.Maisha Masabile Makamu Mkuu wa shule ya Nyakitonto akifafanua jambo kwa Bi Atugonza David Afisa Miradi kutoka TEA alipokuwa akikagua hali ya ukarabati wa maabara tatu za Sayansi shuleni hapo.

Bi Atugonza David Afisa Miradi kutoka TEA akiwa na Mwl.Maisha Masabile Makamu Mkuu wa shule ya Nyakitonto alipokuwa akikagua hali ya ukarabati wa maabara tatu za Sayansi shuleni hapo.

Monekano wa jengo la maabara tatu za sayansi zilizofanyiwa ukarabati na UNICEF, kwa ufadhili wa Serikali ya Canada na kusimamiwa na TEA Shule ya Sekondari Nyakitonto iliyopo Wilayani Kasulu.

Monekano wa kibao cha ufadhili wa maabara tatu za sayansi Shule ya Sekondari Nyakitonto iliyopo Wilayani Kasulu.