Afisa Usimamizi wa Fedha Mwandamizi, Idara ya Uendelezaji Sekta ya Fedha, Wizara ya Fedha Bw. Salim Khalfan Kimaro, akimkabidhi Katibu Tawala Mkoa wa Arusha Bw. Missaile Musa, moja ya Nyenzo inayotumiwa na Wataalam kutoa elimu ya fedha, walipofika ofisini kwake kabla ya kuelekea Halmashauri ya Wilaya ya Meru kutoa elimu ya fedha kwa wajasiliamali na wananchi wa Wilaya hiyo.
Afisa Usimamizi wa Fedha Mwandamizi, Idara ya Uendelezaji Sekta ya Fedha, Wizara ya Fedha, Bw. Salim Khalfan Kimaro, akiagana na Katibu Tawala Mkoa wa Arusha Bw. Missaile Musa, wakati Timu ya Wataalam wa kutoa elimu ya fedha kutoka Wizara ya Fedha na taasisi zake walipomtembelea ofisini kwakwe kabla ya kuelekea Halmashauri ya Wilaya ya Meru kutoa elimu ya fedha kwa wajasiliamali na wananchi wa Wilaya hiyo.
Kaimu Mkurugenzi wa Halmashauri ya Wilaya ya Meru, Bw. Daniel Mwakitalu (watatu kushoto), akiwa katika picha ya pamoja na Timu ya Wataalam wa kutoa elimu ya fedha, kutoka Wizara ya Fedha na taasisi zake, ikiongozwa na Afisa Usimamizi wa Fedha Mwandamizi, Idara ya Uendelezaji Sekta ya Fedha, Wizara ya Fedha Bw. Salim Khalfan kimaro (wa tatu kulia), Mchumi kutoka Idara ya Uendelezaji Sekta ya Fedha, Wizara ya Fedha, Bw. Godfrey Mwatinza (wapili kulia) pamoja na Afisa Biashara Halmashauri ya Wilaya ya Meru, Bi. Mwanaheri Ally, baada ya Timu hiyo ya kutoa elimu ya fedha kufika na kufanya mazungumzo na Kaimu Mkurugenzi wa Halmashauri ya Wilaya hiyo.
Afisa Mwandamizi, Uchambuzi Fedha, Idara ya Sera, Utafiti na Mipango, kutoka Mamlaka ya Masoko ya Mitaji na Dhamana (CMSA), CPA. Gladness Mollel, akitoa elimu kwa wafanyabiashara na wajasiriamali wa Usa River, Halmashauri ya Wilaya ya Meru mkoani Arusha, kuhusu masuala ya uwekezaji alipoambatana na Maafisa kutoka Wizara ya Fedha, kwa ajili ya kutoa elimu ya fedha, programu ambayo imeandaliwa na Wizara ya Fedha ikiwa ni awamu ya tatu ya programu hiyo yenye lengo la kuwaelimisha wananchi wote kuhusu masuala ya fedha.
Baadhi ya wajasiriamali na wananchi wa Halmashauri ya Wilaya ya Meru mkoani Arusha, wakipata elimu ya fedha kwa njia ya filamu yenye maudhui kuhusu matumizi sahihi ya fedha, umuhimu wa kupanga bajeti na kuitekeleza, umuhimu wa kusajili vikundi vya huduma ndogo za fedha , utunzaji wa fedha binafsi, umuhimu wa kushirikisha familia na watu wa karibu kwenye masuala ya fedha na uwekezaji, umuhimu wa kukata bima ya biashara na mali nyingine, filamu hiyo imeandaliwa na Wizara ya Fedha lengo likiwa ni kusambaza elimu ya fedha kwa njia rahisi ya burudani ili kuhakikisha wananchi wanapata uelewa wa masuala ya huduma za fedha.
Afisa Usimamizi wa Fedha, Idara ya Uendelezaji Sekta ya fedha wizara ya Fedha, Bw. Salim Khalfan Kimaro, akiteta jambo na Mkuu wa Shule za Mariado katika ukumbi wa mikutano wa Shule ya Msingi Mariado Halmashauri ya Wilaya ya Meru, mkoani Arusha wakati wa mafunzo ya elimu ya fedha, yaliyoandaliwa na Wizara ya Fedha.
Elimu ya fedha katika Halmashauri ya Wilaya ya Meru mkoani Arusha ikitolewa na timu ya wataalamu kutoka Wizara ya Fedha na taasisi zake walipotembelea wajasiliamali na wananchi wa Halmashauri ya Wilaya ya Meru mkoani humo.
(Picha na Kitengo Cha Mawasiliano Serikalini, WF – Arusha
Na. Asia Singano, WF, Arusha
Timu ya Wataalam wa kutoa elimu ya fedha kutoka Wizara ya Fedha na taasisi zake kwa kushirikiana na Maafisa mbalimbali wa Serikali ngazi ya Halmashauri na Kata wakiwemo Maafisa Maendeleo ya Jamii na waratibu wa huduma ndogo za fedha, wamewafikia na kuwapa elimu ya fedha wajasiliamali na wananchi wa Halmashauri ya Wilaya ya Meru mkoani Arusha.
