Mkuu wa Chuo Kikuu Mzumbe Dkt. Ali Mohamed Shein, kwa Mamlaka aliyonayo chini ya Kifungu cha 12 (1) cha Hati Idhini ya Chuo Kikuu Mzumbe ya Mwaka 2007 kikisomwa sambamba na Kanuni ya 5 (1) ya Jedwali la kwanza la Hati Idhini ya Chuo Kikuu Mzumbe ya mwaka 2007, amemteua Prof. William Senkondo Mwegoha kuwa Makamu Mkuu wa Chuo Kikuu Mzumbe kwa kipindi cha Miaka mitano (5) kuanzia tarehe 8 Januari, 2024.
Kabla ya uteuzi huu Prof. William Senkondo Mwegoha alikuwa akikaimu nafasi hiyo.
Tunampongeza na kumtakia kila la kheri katika kutekeleza majukumu yake.
Imetolewa na
Lulu Phillip Mussa
KAIMU MKUU WA KITENGO CHA MAWASILIANO NA MASOKO
