SERIKALI YATAJA MIKAKATI YA KUWASAIDIA WANAFUNZI WENYE UGONJWA WA USONJI

Alex Sonna-DODOMA

SERIKALI imejipanga kuzalisha walimu wengi watakaoweza kuwafundisha wanafunzi wenye ugonjwa wa Usonji kwa kuanzisha mafunzo ya Diploma katika vyuo mbalimbali nchini.

Hayo yameelezwa  leo Aprili 2,2023 Jijini Dodoma na Mkurugenzi  wa Huduma ya Uuguzi na Ukunga Tanzania kutoka Wizara ya Afya Bi.Ziada Sellah, kwenye uzinduzi wa  mwezi wa kampeni ya uelewa ugonjwa wa usonji  duniani.

Bi.Ziada  amesema kwa sasa watoto wapatao 1416 wenye ugonjwa huo  wamesajiliwa katika shule 18 ambapo kuna walimu 157.

”Katika kukabiliana na tatizo hilo la  idadi ndogo ya walimu,shule chache zenye uwezo wa kuhudumia watoto  wenye mahitaji maalum, Serikali imeanzisha mafunzo ya ngazi ya Stashahada (Diploma)   katika Chuo cha Ualimu Patandi  Arusha na Vyuo vingine  ili wahitimu waweze kutoa elimu  kwa watoto wenye changamoto ya ugonjwa huo.”amesema Bi.Ziada

Amesema kulingana na takwimu za Shirika la Afya Duniani (WHO)  zinaonesha kwamba  kila vizazi hai 160 wanaozaliwa  mmoja hupata tatizo hilo.

Hata hivyo Bi.Ziada amesema ugonjwa wa usonji ni miongoni mwa magonjwa yanayoathiri mfumo wa fahamu  wa mtoto ambapo huambatana na kuwa na changamoto kwenye njanya zote  za makuzi na mahusiano  na watoto wenzake na watu wengine katika jamii.

Amesema dalili za ugonjwa huo huanza kujitokeza katika umri mdogo  na mara nyingi kabla mtoto hajatimiza miaka mitatu ambapo amezitaja dalili hizo ni mtoto kushindwa kuongea na kufanya mawasiliano  na watu wengine katika jamii,kujitenga na kufanya vitu peke yake, kutoa sauti isiyoashiria kitu.

Aidha  amesema watoto wenye ugonjwa huo pia wanaweza kuwa magonja mengine ambatani na miongoni mwa magonjwa hayo ni ,kifafa kuwa na uwezo mdogo  wa uelewa na  magonjwa mengine ya akili.

“Iwapo wapo wagonjwa wenye usonji  na kuwa na kipaji cha hali ya juu  kwenye kutambua ama kufanya vitu mbalimbali lakini changamoto  za mawasiliano na mahusiano bado zinatawala ugonjwa.

Waziri huyo amesema Serikali inatarajia utoaji wa huduma za utengamao watoto na watu wengine wenye mahitaji maalum ambapo amedai kwa sasa wanaendelea na kuelimisha jamii  juu ya uwepo wa tatizo hilo.

“Pia uwepo wa wataalamu wa kutosha kama vile walimu, wataalamu wa huduma kzi kwa vitendo  wataalamu wa huduma za mazoezi tiba watoa tiba wa lugha na matamshi pamoja na mtoa tiba wa afya  ya jamii na kisaikolojia,”amesema Bi.Ziada

Amesema katika kuadhimisha siku hiyo Wizara ya Afya kwa kushirikiana na Tamisemi na Wizara ya Elimu,Sayansi na Teknolojia pamoja na Jiji la Dodoma wamedhamiria kuimarisha huduma katika shule ya Mlezi iliyopo Jijini Dodoma.

“Katika awamu ya kwanza tunatarajia vyumba vya madarasa na katika awamu ya pili tunatarajia kuboresha mazingira  yaliyopo nje kwa ajili ya kuwapa fursa  watoto wetu kuanza kushiriki katika michezo,”amesema Bi.Ziada

Kwa upande wake  Afisa Kitengo cha Elimu Maalumu kutoka Wizara ya Elimu,Sayansi na Teknolojia Bi.Ahiadu Sangoda,amesema kuwa Wizara ya Elimu wataendelea kuboresha  huduma na madarasa ya shule za watoto wenye mahitaji maalumu nchini.

”Tutahakikisha tunaimarisha Miundombinu na huduma za watoto wenye uhitaji maalumu lengo likiwa ni kupunguza mzigo wa usonji katika ngazi za kitaifa, kikanda na ndani ya nchi.”amesema

Naye Mstahihi Meya wa Jiji la Dodoma Prof. David Mwamfupe amesema  serikali ya awamu ya sita chini ya uongozi Rais Dk.Samia Suluhu Hassan imekuwa ikitenga fedha kwa ajili ya kuwahudumia watoto wenye mahitaji maalumu.

”Katika mwaka huu wa fedha tayari mkoa wa Dodoma umepokea sh.milioni 100 kwa ajili ya ujenzi wa mabweni katika shule za watoto wenye mahitaji maalumu.”amesema Prof.Mwamfupe

Awali  Kaimu Mkurugenzi wa Hospitali ya Taifa ya Afya ya Akili ya Mirembe Dk.Damas Mlaki amesema usonji ni ugonjwa unao wakumba idadi kubwa ya watoto walio kati ya umri wa miaka miwili hadi mitatu na kuathili ukuaji wao.

Dk.Mlaki amesema  takwimu zinaonyesha kuwa idadi ya watoto wanaokubwa na tatizo la usonji linaongezeka siku hadi siku.

“Mwaka 2021 tuliwatamua watoto 17 huku idsadi ikizidi kuongezeka kwa mwaka jana ambapo tuliwabaini watoto 48 na kwa mwaka huu katika kipindi cha miezi mitatu tumeshawatambua watoto 26.”amesema 

Aidha amefafanua kuwa kutokana na  takwimu hizo zinaonyesha kuwa idadi ya watoto wenye usonji imekuwa ikiongezeka mwaka hadi mwaka hivyo kunahaja ya kuendelea kuchukua hatua mbalimbali ili kuhakikisha tunakabiliana na tatizo hili.